Na colaboraziun che döra da plü co diesc agn

Nosc raport cun Ciasa Salares, n post da sté saurí danter i plü conesciüs dla Val Badia, döra bele da dadî incá. Cun le passé di agn s’unse dé jö cun le corporate y dantadöt dl 2019 unse cherié l’imaja coordinada nöia, pian ia dal dessëgn nü dl logo dla Ciasa y de sü sis restoranc. Por i cater restoranc y por les döes ciamenes de golosités assolutes, cheese y chocolate room, unse ciafé fora l’inom da bato, sambëgn ma por ladin: n’ativité de naming dala saú onomatopeica y universala che nes á dé la poscibilité da ti sciampé al problem dla traduziun te düc chi lingac che vëgn adorá te na strotöra dal’aria internazionala.