“Embark on an extraordinary journey” é le claim che incarnëia l’essënza de InfoDolomites, l’agenzia de iadi che á le podëi da cherié esperiënzes da nia desmentié danter les munts demorvëia di Crëps Stlauris. Da tröc agn incá é InfoDolomites deventada n punt de referimënt tl setur, ti ofrin a che che roda la poscibilité da esploré les belëzes dla natöra, da esperimenté aventöres emozionantes y da abracé la cultura unica de chëst’area.
Le rebranding é sté n vare nezesciar por sodesfá les aspetatives di viagiadus moderns y comuniché te na manira ciamó plü sterscia l’unizité y l’ezelënza dles esperiënzes che InfoDolomites pita. Al ê essenzial da impié l’imaginaziun di vijitadus dal pröm momënt inant, trasmeton l’anima che pulsëia dles Dolomites y stimolan le dejider da cherié recorc che resta por tres te chësta tera afascinanta, cun sües pizes maestoses, panoramesc che tol le fle, pra ric y lec tlers sciöche cristal.
Le logo nü de InfoDolomites incarnëia le spirit lëde de chëstes munts, n invit da esploré y superé vigni confin. Süa forma rapresentëia l’uniun armoniosa dles lëtres “I” y “D” che se trasformëia te na piza armoniosa, simbol da pié cun man dla potënza y belëza straordinara che les Dolomites ofrësc. Süa forma dinamica rafigurëia la liberté da esploré, deperpo che les linies indërt evochëia le sëns de movimënt y de descurida.
I un svilupé cun cura n stil de comunicaziun che vá diretamënter al cör de che che da döt le monn chir l’aventöra y che é le refles dl impëgn de InfoDolomites da pité esperiënzes straordinares: na visual identity dinamica y impizënta che cheriëia n liam diret cun che che esplorëia ion cun entusiasm, pasciun y autentizité.
La paleta de corusc tol ite les sfomadöres vibrantes de chëstes munts, cun les tonalités stersces dla doman cina ai corusc cialc dl florí de sorëdl, na morvëia che vëgn dant döt l’ann.
Por ci che reverda le font, unse chirí fora Maison, deach’al rapresentëia perfetamënter l’aventöra y l’esploraziun che é tl zënter dl’esperiënza dl iade. Sües formes contemporanes recorda l’energia y le snait de che che vá ala descurida de posć unics y afascinanc sura vigni confin fora.
Mo chësc n’é nia döt. Le sit web nü é gnü proieté cun l’obietif da catapulté l’utënt te n’esperiënza imersiva ti Crëps Stlauris: al é n invit da esploré zënza limic, n’esperiënza online che tol le fle y che pormët da rové virtualmënter tles Dolomites demorvëia, podon sintí danfora l’emoziun y l’entusiasm de n dër iade. La grafica presënta n design modern y dinamich, cun na varieté de corusc, elemënc y animaziuns che cheriëia n sëns de movimënt y aventöra.
Le start de n brand nü se damana tröc elemënc y nos sun chiló por garantí che vigni detai refletëies fedelmënter l’identité dla marca. Nosc sorvisc de suport dl brand é sté n iade de colaboraziun afascinant cun le team de InfoDolomites, por capí sü bojëgns spezifics y trasforman les linies dl brand te materiai de comunicaziun straordinars.
I un cherié chertes da vijita che incarnëia deplëgn l’identité dla marca de InfoDolomites, adoran le pattern destintif. I un svilupé n template por les ofertes personalisades, insciö che vigni proposta menada ai cliënc sides n invit da nia perde da se lascé ite tles morvëies de chësta tera. N’oportunité da nia se lascé sciampé por cherié recorc che döra por tres.
Sce nosta manira da fá te plej y t’os nes contaté, sunse chiló:
Pulsëia cun nos
